Հարգելի Roza, բարև Ձեզ: Հղիության երկրորդ եռամսյակում քսվող արյունային արտադրությունը վիժման սպառնալիքի նշան է: Եթե արտադրությունը շարունակվում է հարկավոր է դիմել գինեկոլոգի:

Հարգելի Nune, բարև Ձեզ: Սեռական ուղիներից կաթնային  արտադրություն, որն ուղեկցվում է քորով և այրոցի զգացումով բնորոշ է սնկերին: Երեխայի համար կոնկրետ սնկերը վտանգավոր չեն, սակայն հարկավոր է ստանալ բուժում, քանի որ սնկային ախտահարման դեպքում կարող է միանալ նաև երկրորդային ինֆեկցիա, որն արդեն կարող է վտագավոր լինել:

Հարգելի Ani, բարև Ձեզ: Հղիության առաջին եռամսյակում կլոտրմազոլի օգտագործումը հակացուցված է: Արտաքին օգտագործման դեպքում հարկավոր է կրեմը բարակ շերտով քսել  վուլվայի մաշկին և լորձաթաղանթներին, օրը երեք անգամ մոտ 4 շաբաթ: Վագինալ կրեմը հարկավոր է օգտագործել օրը մեկ անգամ, 3 օր: Հարկավոր է կատարել լվացում երիցուկի թուրմով, այնուհետ մոտ 5գր կևեմը ապլիկատորի օգնությամբ հեշտոց մտցնել: Պետք է նշեմ, որ հղիության ընթացքում ցանկացած տեսակի դեղորայք հարկավոր է օգտագործել միայն բժշկի նշանակմամբ:

Հարգելի Նունե, բարև Ձեզ: Կրկնվելու հավանականությունը կախված է պոլիպների տեղակայումից, դրանց հեռացման մեթոդից, օրգանիզմի հորմոնալ ֆոնից  և այլ հանգամանքներից: Ինչ վերաբերում է էրոզիային, ևս կախված է բուժման մեթոդից: Եթե կատարվել է արգանդի պարանոցի էլեկտրոկոնիզացիա, էրոզիան չի կարող կրկնվել: Ինչ վերաբերում է կրծքագեղձերի կիստաներին, բուժման համար հարկավոր է անպայման դիմել մամոլոգի: Ինքնաբուժությամբ զբաղվել միանշանակ չի կարելի:

Հարգելի Shoxer, բարև Ձեզ: Միայն սնկերը անպտղության պատճառ չէին կարող լինել:

Հարգելի Anush Ghazaryan, բարև Ձեզ: Ամեն դեպքում Ձեր բուժումը լիարժեք չի եղել կամ միգուցե կիսատ եք թողել: Արտադրության բնույթի փոփոխությունը վկայում է այն մասին, որ հեշտոցի միկրոֆլորան որոշ չափով վերականգնվել է, բայց բուժումը չի շարունակվել: Քանի որ կոնկրետ չգիտենք ինչն է պատճառը, բուժում առաջարկել խելամիտ չի լինի: Խորհուրդ կտայի ևս մեկ անգամ հանձնել քսուքի անալիզ: Ինչ վերաբերում է կեսարյանին, այն պատճառ չէր կարող լինել:

Հարգելի Anush Ghazaryan, բարև Ձեզ: Սնկերի դեպքում նշանակված բուժումը բավականին էֆեկտիվ է: Բայց նախորդ նամակում, Դուք նշել եք, որ արտադրությունը կանաչավուն է, հոտով, որն այնքան էլ բնորոշ չէ սնկերին: Ցանկալի է նորից քսուք հանձնել, մեկ այլ լաբորատորիայում, ամենայն հավանականությամբ կա ինֆեկցիա:

Հարգելի Shoxer, ինչպես նշեցի Ձեր նկարագրածն ավելի բնորոշ է սնկերին, դրանց առաջացման հիմնական պատճառը հեշտոցի միկրոֆլորայի խանգարումն է: Լիարժեք բուժման համար հարկավոր են հակասնկային միջոցներ, և արտաքին և ներիքն ընդունման, ինչպես նաև միկրոֆլորան կարգավորող միջոցներ: Դուք կարող եք օգտագործել կլոտրիմազոլի կամ այլ հակասնկային մոմիկներ, 5-7 օր: Երեկոյան քնելուց առաջ կատարեք լվացում երիցուկի թուրմով, այնուհետ դրեք մոմիկը: Շարունակեք Լինեքս-ի ընդունումը, ամուսինը ևս կարող է խմել: Բացի այդ հարկավոր է Ֆլուկոնազոլ 150մգ, ընդամենը մեկ կապսուլա, շաբաթվա ցանկացած օրը, և Դուք և ամուսինը: Ամուսինը նույնպես կարող է լվացումներ կատարել երիցուկով, այնուհետեև կլոտրմազոլի քսուք, նորից 5-7 օր:

Հարգելի Vartuhi, բարև Ձեզ: Նախ հարկավոր է պարզել քորի պատճառը, դա կարող է լինել ինֆեկցիոն բնույթի, ալերգիկ և այլն: Հարկավոր է հանձնել քսուք: Քորի հետևանքվով մեխանիկորեն վնասվում է մաշկը, որը միզելուց առաջացնում է այրոցի, մրմռոցի զգացում: Եթե երկցուկի թուրմով լվացումները չեն օգնել, դա նշանակում է, որ պատճառը միայն արտաքին չէ: Օգտագործեք միայն բնական ծագման սպիտակեղեն, որոշ ժամանակ սեռական կյանքով մի ապրեք, քանի որ դա ևս նպաստում է բորբոքային պրոցեսի ակտիվացմանը, շարունակեք լվացումները, կարող եք լվացումից հետո տվյալ հատվածներում տալկ ցանել, դա կպաշտպանի մեխանիկական վնասումից: Եթե որոշ ժամանակ անց չանցնի, հարկավոր է դիմել բժշկի և հանձնել քսուք:

Հարգելի Shoxer, ես խնդրել էի նշել, ինչ դեղորայք եք ստացել:

Հարգելի Shoxer, բարև Ձեզ: Արտադրության պատճառները տարբեր են, Ձեր նկարագրածն ավելի բնորոշ է սնկերին: Խնդրում եմ գրեք,  ինչ բուժում եք ստացել: Կփորձենք օգնել Ձեզ:

Հարգելի Սերինե, բարև Ձեզ: Դեղնավուն արտադրությունը, որն ուղեկցվում է այրոցի քորի զգացումով, դիտվում է սեռական ճանապարհով փոխանցովող ինֆեկցիաների, մասնավորապես տրիխոմոնիազի ժամանակ, սակայն վերջնականապես համոզվելու համար հարկավոր է հանձնել հեշտոցի քսուք: Խորհուրդ կտայի դիմել գինեկոլոգի և համապատասխան բուժում ստանալ: Ամուսինը ևս պետք է ստանա նույն բուժումը:

Հարգելի Lusine, բարև Ձեզ: Միգուցե նկատի ունեք փոքր կոնքի օրգանների բորբոքային հիվանդություն: Խնդրում եմ մանրամանեք, կոնկրետ որ օրգանների բորբոքման մասին է խոսքը, քանի որ փոքր կոնքը լայն հասկացություն է, և ինչ բուժում եք ստացել:

Հարգելի LAURA, բարև Ձեզ: Ստորին վերջույթներում ցավը կարող է կապված լինել ոսկրերի, մկանների, հոդերի հետ, ինչպես նաև ունենա անոթային բնույթ: Միայն ցավով կողմնորոշվել ինչ խնդիր է, դժվար է: Կարևոր է ցավի բնույթը, տեղակայումը:

Հարգելի  Narine Mnacakanyan, բարև Ձեզ: Կաթնաշոռանման արտադրություն հիմնականում նկատվում է սնկային ախտահարման ժամանակ, սակայն համոզվելու համար հարկավոր է հեշտոցի քսուք հանձնել: Քանի որ կույս  եք, մոմիկներ չեք կարող օգտագործել: Կարող եք կատարել լվացումներ երիցուկի թուրմով, հեքսիկոնի լուծութով: Արտաքինից կարող եք 5 օր օգտագործել կլոտրիմազոլի քսուք 1%-ոց: Քանի որ սնկերի հիմնական պատճառը միկրոֆլորայի խախտումն է, ցանկալի է նաև օգտագործել միկրոֆլորան կարգավորող միջոցներ, օրինակ լինեքս, նարինե և այլն:

Հարգելի Anush Ghazaryan, բարև Ձեզ: Խնդրում եմ գրեք ինչ է հայտնաբերվել, և ինչ բուժում եք ստացել: Կփորձենք օգնել Ձեզ:

Հարգելի Nune, բարև Ձեզ: Խնդրում եմ գրեք երկու ձվարանն էլ հեռացված է, թե ոչ և վիրահատությունից հետո որևէ դեղորայքային բուժում ստացել եք այս ընթացքում, թե ոչ: